“ДДС” ТӨХК НЬ ХӨДӨЛМӨРИЙН АЮУЛГҮЙ БАЙДАЛ ЭРҮҮЛ АХУЙН МЕНЕЖМЕНТИЙН ТОГТОЛЦОО(ISO-45001)-Г ҮЙЛ АЖИЛЛАГААНДАА НЭВТРҮҮЛЖ ЭХЭЛЛЭЭ

“ДДС” ТӨХК нь “Хөдөлмөрийн эрүүл мэнд, аюулгүй байдлын менежментийн тогтолцоо-шаардлага” ISO – 45001 стандартыг нэвтрүүлэх ажлын хүрээнд “Эрхэс сувд” ХХК-тай зөвлөх үйлчилгээний гэрээ байгуулан, нийт ажилтан, инженер техникийн ажилтнуудыг үе шаттай сургалтанд хамруулж байна. Энэхүү сургалт нь байгууллагын ажилтнуудын аюулгүй орчинд ажиллах мэдлэг, чадварыг дээшлүүлэх, эрсдэлийг бууруулах, осол гэмтлээс урьдчилан сэргийлэх чухал ач холбогдолтой юм. Өчигдөр /2025.11.24/ уг стандартыг хэрэгжүүлэгч дотоод аудитор бэлтгэх сургалтанд 14 ИТА, албан хаагч нар хамрагдлаа.

Цаашид тус стандартын шаардлагыг хэрэгжүүлснээр “ДДС” ТӨХК нь хөдөлмөр хамгаалал, аюулгүй ажиллагааг тогтвортой удирдах, ажилтан бүрийн оролцоотой нэгдсэн соёлыг бүрдүүлэх, олон улсын жишигт нийцсэн байгууллага болох зорилтоо бэхжүүлэх давуу талтай юм.