Эрчим хүчний сайдаас өгсөн удирдамжийн дагуу “Дарханы дулааны сүлжээ” ТӨХК-ийн Төлөөлөн удирдах зөвлөл компанийн 2023-2024 оны өвөлжилтийн бэлтгэл хангах ажлын явцтай газар дээр нь танилцах зорилгоор 2023 оны 09 дүгээр сарын 13-ны өдөр “Дарханы дулааны сүлжээ” ТӨХК-д ирж ажиллан, их засвар, техник, зохион байгуулалтын арга хэмжээ, хөрөнгө оруулалтын ажлын төлөвлөгөө, өвөлжилтийн бэлтгэл ажлын төлөвлөгөөний биелэлттэй танилцаж, “Хангалттай” гэж үнэлэлт дүгнэлт өгөв.

-Мөн эрхэлсэн ажилдаа амжилт бүтээл гаргасан нэр бүхий зарим ажилтнуудыг салбарын болон аймаг, орон нутгийн шагналаар шагнаж урамшуулав.

Үүнд:

1. Эрчим хүчний тэргүүний ажилтан цол тэмдгээр дотоод аудитор Дашравдангийн Хонгор
2. Эрчим хүчний тэргүүний ажилтан цол тэмдгээр Дулаан түгээх, хангах албаны дулааны оруулгын слесарь Алагаагийн Амарболд, Дулан дамжуулах албаны дарга Батсайханы Бат-Эрдэнэ
3. Эрчим хүчний яамны жуух бичгээр Захиргаа удирдлагын хэлтсийн архивын мэргэжилтэн Цэнд-Аюушийн Ариунаа, Гэрээ, борлуулалтын хэсгийн гэрээний мэргэжилтэн Цэдэндамбын Баасанхүү, Гэрээ, борлуулалтын хэсгийн борлуулалтын ахлах мэргэжилтэн Наранцацралтын Солонго
4. Санхүү-банкны тэргүүний ажилтан цол тэмдгээр Санхүү, борлуулалтын хэлтсийн материалын нярав Төмөрбаатарын Гандолгор
5. Хууль зүйн яамны жуух бичгээр Захиргаа удирдлагын хэлтсийн хуулийн зөвлөх, Төлөөлөн удирдах зөвлөлийн нарийн бичгийн дарга Рагчаабазарын Батжаргал
6. Зам, тээврийн хөгжлийн яамны жуух бичгээр Хангамж, үйлчилгээний хэлтсийн жолооч Отгонтуяагийн Мөнх-Эрдэнэ, жолооч Ганболдын Анхбаяр
7. Авто тээврийн тэргүүний ажилтан цол тэмдгээр Хангамж, үйлчилгээний хэлтсийн механик Намжилдоржийн Мөнх-Эрдэнэ
8. Дархан-Уул аймгийн Тэргүүний ажилтан цол тэмдгээр Хангамж, үйлчилгээний хэлтсийн жолооч Доржготовын Атарсайхан
9. Дархан-Уул аймгийн Засаг даргын жуух бичгээр Дулаан түгээх, хангах албаны дулааны оруулгын слесарь Болдын Батдэлгэр
10. Дархан-60 дурсгалын тэмдгээр Дулаан түгээх, хангах албаны дулааны оруулгын слесарь Андгайн Баттогтох