ДАРХАН-УУЛ АЙМГИЙН ЗАСАГ ДАРГА Б.АЗЖАРГАЛ, ДАРХАН СУМЫН ЗАСАГ ДАРГА Т.ТУЛГАА НАР “ДДС” ТӨХК-ИЙ ҮЙЛ АЖИЛЛАГААТАЙ ТАНИЛЦЛАА

“ДДС” ТӨХК нь Аймгийн Засаг дарга Б.Азжаргал, Дархан сумын Засаг дарга Т.Тулгаа, Захирагчийн албаны даргын түр орлон гүйцэтгэгч Ч.Батжаргал, ДУА-ийн Газрын харилцаа, Барилга хот байгуулалтын газрын дарга Д.Батчулуун нарт өнөөдөр /2022.04.29/-ний өдөр “ДДС” ТӨХК –ийн үндсэн үйл ажиллагаа, Дархан хотын дулаан хангамжийн системийн өнөөгийн байдал, дулаан хангамжид шинээр нэвтрүүлж буй дэвшилтэт техник, технологи, ажилчдын нийгмийн асуудлыг шийдвэрлүүлэх хүрээнд ажилчдын орон сууцны талаар танилцуулж, Дархан хотын ойрын болон хэтийн төлөвлөлтийн талаар аймгийн удирдлагуудтай компанийн удирдлага алба, хэлтсийн дарга нар санал солилцлоо. ДУА-ийн засаг дарга Б.Азжаргал ажилчдын орон сууц барих газрын асуудлыг дэмжихээ илэрхийлэв.